ဆီးချိုစင်တာ

We proudly provide the following services:

ဆီးချိုသွေးချိုအထူးကုဆရာ၀န်ကြီးများနှင့် တိုင်ပင်ဆွေးနွေးကုသခြင်း
၃ လတစ်ကြိမ်၊ ၆ လတစ်ကြိမ်၊ ၁ နှစ်တစ်ကြိမ် ပုံမှန်ကျန်းမာရေး စစ်ဆေးမှု ပြုလုပ်ခြင်း ဖြင့် သွေးအတွင်း အချိုထိန်းထားနိုင်မှု ရှိမရှိ နှင့် နောက်ဆက်တွဲဆင့် ပွားရောဂါများ ဖြစ်ပွားခြင်း ရှိမရှိ သိရှိနိုင်ခြင်း။ အောက်ပါ စစ်ဆေးမှုများ ပါဝင်ပါသည်။

• • ခန္ဓာကိုယ် အသားကျစ်နှုန်း(BMI) တိုင်းထွာခြင်း

    • BMI တိုင်းထွာခြင်းဖြင့် မိမိရဲ့ခန္ဓာကိုယ် အလေးချိန် ပုံမှန်ရှိ မရှိ ၊ အဝလွန်ကဲခြင်းရှိ မရှိ သိနိုင်ပါတယ်။

  • သွေးနဲ့ဆီးစစ်ခြင်း

    • သွေးတွင်းအဆီဓါတ် များမများစစ်ခြင်း ( Lipid profile)

      • Total Cholesterol (စုစုပေါင်းကိုလက်စ်ထရော)၊

      • LDL ပေါ့ပါးသောအဆီ (ဆိုးကျိုးပေးသောကိုလက်စ်ထရော)၊

      • HDL လေးသောအဆီ (ကောင်းကျိုးပေးသောကိုလက်စ်ထရော)၊

      • Triglyceride (ထရိုင်ဂလစ်စရိုက်အဆီ) သွေးတွင်းအဆီဓာတ်များနေလျှင် သွေးကြောများ တဖြည်းဖြည်းကျဉ်းလာပြီး လေဖြတ်ခြင်း၊ နှလုံးသွေးကြောပိတ်ခြင်းတို့ ဖြစ်တတ်ပါတယ်။

    • ကျောက်ကပ် ကောင်းမကောင်းစစ်ခြင်း

      • Urine Microalbumin    – ကျောက်ကပ်ထိခိုက်ခြင်းကို သိရှိစေရန်စစ်ဆေးခြင်း

      • Creatinine or eGFR     -ကျောက်ကပ် အလုပ်လုပ်နိုင်စွမ်းကို သိရှိရန်စစ်ဆေးခြင်း။

      • Urea & Electrolytes     -ဆီးအဆိပ်ဓာတ်တွေ နဲ့ ဓာတ်ဆားဓာတ်၊ အက်စစ် အယ်ကာလီ အခြေအနေတွေကို သိရှိနိုင်ရန် စစ်ဆေးခြင်း။

ECG, Echocardiogram -ဆီးချိုသွေးချိုရောဂါရှိသူများသည် လက္ခဏာမပြဘဲ နှလုံးသွေးကြောကျဉ်းရောဂါ ရှိနေတတ်သဖြင့် နှလုံးနှင့်သွေးကြောရောဂါ ရှိ / မရှိ စစ်ဆေးခြင်း

ခြေထောက်စစ်ဆေးခြင်း (Foot assessment) -ဆီးချိုခြေထောက်ရောဂါ (Diabetes Foot) သည်ဆီးချိုရောဂါရှိသူတွေ အကြောက်ဆုံး နောက်ဆက်တွဲရောဂါ တစ်ခုဖြစ်ပါတယ်။ သေးငယ်တဲ့ မတော်တဆအနာမှစပြီး ခြေထောက်ဖြတ်ခံရတဲ့ အထိဖြစ်တတ်ပါတယ်။
အောက်ပါစစ်ဆေးနည်းတွေနဲ့ ခြေထောက်ကို စစ်ပေးပါတယ်။

• • Biothesiometry (Vibration)  -အာရုံကြောအားနည်းမှုရှိမရှိ တုန်ခါမှုကိုသိမသိ စက်နဲ့ စမ်းသပ်ပေးခြင်း။

  • Monofilament test  -ခြေထောက်ထုံခြင်းကို တိုင်းထွာခြင်းတစ်မျိုး ဖြစ်ပါတယ်။ အမျှင်လေးနဲ့တို့တာမသိရင် ထိခိုက်နာကျင်ခြင်းကိုခံစားမှု မရှိနိုင်လို့ ခြေထောက်ပုပ်နာဖြစ်ရန် အလားအလာ များပါတယ်။

  • ABI (Ankle~Brachial Index) -ခြေထောက်သွေးကြောတွေ ကျဉ်းနေတာရှိ မရှိ၊ ခြေထောက်ပြဿနာ ဖြစ်လာနိုင်မယ့် အလားအလာ ရှိ မရှိစစ်ခြင်း

  •  Foot scan   -စက်ကိုအသုံးပြုပြီး ခြေဖဝါးမှာ ဖိအားများနေတဲ့နေရာကို ရှာဖွေပေးခြင်း။ဖိအားများနေတဲ့ ခြေဖဝါးနေရာမှာ အသားမာဖြစ်တာ၊ အသားမာ အက်ကွဲပြီး အနာဖြစ်တာ၊ အသားပုပ်တာ ဖြစ်လာတတ်တဲ့အတွက် စစ်ဆေးသိရှိရင် ကြိုတင် ကာကွယ်တဲ့ အလုပ်ကိုဆက်လုပ်နိုင်ပါတယ်။   (ဥပမာ – ဖိနပ်ပြုပြင်ပေးခြင်း)

  • Podiatric Services- ခြေထောက်ပြုစုစောင့်ရှောက်ခြင်း အနာမဖြစ်ခင် အသားမာဖြစ်ပါတယ်။ ဒီအသားမာတွေက ခြေဖဝါးမှာ ဖိအားဖြစ်ပေါ်လာရင် အနာဖြစ်လာပါမယ်။ ခြေထောက်အရေပြား မကွဲအက်အောင် ကာကွယ်တာ၊ ဖိအားမညီရင် ဖိနပ်ပုံစံ ပြုပြင်ပေးတာ၊ အနာဖြစ်လာရင် ဆေးထည့်ပေးတာစတဲ့ လုပ်ငန်းတွေ ပြုလုပ်ပေးခြင်းအားဖြင့် ခြေထောက်မဖြတ်ရအောင် ကာကွယ်ပေးနိုင်မှာဖြစ်ပါတယ်။

မျက်စိမြင်လွှာစစ်ဆေးခြင်း (Retinal photograph) -မြင်လွှာဟာ အမြင်အာရုံရရှိဖို့အတွက် အလွန်အရေးကြီးပါတယ်။ မြင်လွှာပေါ်မှာ နဗ် (Nerve) အာရုံကြောတွေအပြင် သွေးကြောတွေ အများကြီးရှိပါတယ်။ ဒီသွေးကြောတွေ ပိတ်သွားရင် သို့မဟုတ် ပေါက်သွားရင်မျက်စိ ချက်ချင်း ကွယ်သွားတတ်ပါတယ်။ မျက်စိမြင်လွှာကို ဓာတ်ပုံရိုက်ခြင်း (Retinal photograph) ဖြင့်မြင်လွှာ သွေးကြောများ ပျက်စီးနေခြင်း၊ သွေးကြောမျှင် အသစ်များ ဖြစ်ပေါ်နေခြင်း ရှိ မရှိတို့ကို အစောဆုံးသိရှိနိုင် မှာဖြစ်ပါတယ်။ လေဆာပစ်ပြီးကုထားရင် မျက်စိမကွယ်အောင် ကာကွယ်နိုင်မှာ ဖြစ်ပါတယ်။ အမျိုးအစား၂ ဆီးချိုသွေးချိုလူနာအားလုံးသည် ဆီးချိုရောဂါရှိမှန်းသိသိချင်း မျက်စိမြင်လွှာကို ဓာတ်ပုံရိုက်ကြည့်ဖို့လိုပါတယ်။ နောက်ပိုင်းမှာ တစ်နှစ်မှာတစ်ခါ ပြန်လည်စစ်ဆေးနေဖို့ လိုပါတယ်။

ဆီးချိုသွေးချိုရောဂါဆိုင်ရာ သွားနဲ့ ခံတွင်းကျန်းမာရေး (Dental Health)

စစ်ဆေးခြင်း ဆီးချိုသွေးချိုရောဂါရှိသူတွေမှာ သွားနဲ့သွားဖုံးရောဂါတွေ ပိုအဖြစ်များပါတယ်။သွားဖုံးကျန်းမာရင်လည်း သွေးချိုထိန်းတာ ပိုကောင်းလာမှာဖြစ်ပါတယ်။ သွားဘက်ဆိုင်ရာ ဆရာဝန်နဲ့ တစ်နှစ် နှစ်ကြိမ် ဆွေးနွေးဖို့လို အပ်ပါတယ်။

ဆီးချိုသွေးချိုဆိုင်ရာ အာဟာရကုထုံး

• တစ်ဦးချင်းစီအလိုက် အာဟာရဆိုင်ရာ ကုထုံး (Personalized Medical Nutrition Therapy)
• နေ့စဉ် စားသောက်မှုပုံစံကို စစ်ဆေးတွက်ချက်ပေးခြင်း၊ဆီးချိုသွေးချိုအပေါ်သက်ရောက်မှု ရှိသော အစာအာဟာရများ၊ ရွေးချယ်စားသောက်ရန် နည်းလမ်းများနှင့် ကာဗိုဟိုက်ဒရိတ် တွက်ချက်စားသုံးခြင်း(Carbohydrate Counting) ၊
• ရေရှည်ကျန်းမာရေးနှင့်အညီ စားသောက်နေထိုင်မှုပုံစံနှင့် နည်းလမ်းများ၊
• တစ်နေ့တာစားသုံးသင့်သော ကယ်လိုရီပမာဏ တွက်ချက်ပေးခြင်းနှင့် ကိုယ်အလေးချိန် ထိန်းသိမ်း လျော့ချရန် နည်းလမ်းများ အကြံပေးခြင်း။

Pre-Diabetes Detection

နောင်တစ်ချိန်တွင် သွေးချိုဆီးချိုရောဂါ ဖြစ်လာနိုင်ချေ ရှိ/မရှိကို (Pre-Diabetes Detection) ကြိုတင်စစ်ဆေးပြီး ကာကွယ်မှုများ ပြုလုပ်နိုင်ပါတယ်။

ဆီးချိုသွေးချိုရောဂါဆိုင်ရာ အသိပညာပေးခြင်း ပညာပေးရာမှာ ပါဝင်မယ့် အကြောင်းအရာတွေကတော့

• ဆီးချိုသွေးချိုရောဂါဆိုင်ရာ အထွေထွေ သိကောင်းစရာတွေ
• အာဟာရပြုပြင်ထိန်းသိမ်းဖို့ ပညာပေးခြင်း၊
• ကိုယ်လက်လှုပ်ရှား လေ့ကျင့်ခန်းပြုလုပ်ရန် လမ်းညွှန်ပေးခြင်း၊
• ခြေထောက်ထုံနေသူများကို ခြေထောက်ပြုစုနည်း သီးသန့် ညွှန်ကြားပေးခြင်း

ကိုယ်ဝန်ဆီးချိုသွေးချိုရောဂါ ပြုစုစောင့်ရှောက်ခြင်း (Gestational Diabetes Mellitus Management)

အင်ဆူလင်ကုထုံး စတင်ပေးခြင်း (Insulin Therapy Initiation Service) နှင့် Telehealth Care in Diabetes အင်ဆူလင် စတင်ခြင်းရဲ့ဝန်ဆောင်မှု ဟာ လူနာများ စိုးရိမ်စိတ်ကင်းစွာနဲ့ အင်ဆူလင်ကို ထိရောက်စွာအသုံးပြုနိုင်ဖို့ ရည်ရွယ်ပါတယ်။ ဆေးထိုးစဉ် ကြုံတွေ့ရတဲ့ အခက်အခဲတွေ၊ အရေးပေါ်ပြဿနာတွေကို မေးမြန်းလိုတဲ့အခါ လမ်းညွှန် ဖြေရှင်းပေးနိုင်တဲ့အတွက် လွယ်ကူချောမွေ့ပြီးလုံခြုံတဲ့ အင်ဆူလင် စတင်ခြင်း စနစ်ဖြစ်ပါတယ်။

• အင်ဆူလင်ပညာပေးခြင်းအပြင် တိကျမှန်ကန်တဲ့ ဆေးထိုးနည်းများကို စနစ်တကျ သင်ကြားပြသပေးခြင်း။
• ဆေးထိုးနည်း မှန်မမှန်ကိုလဲပြန်လည် စစ်ဆေး ပေးခြင်း
• ဆေးခန်းသို့ မကြာခဏ လာရောက်ရန် အခက်အခဲရှိသူများအတွက် လက်ကိုင်ဖုန်းအားဖြင့် အဝေးရောက် ဆွေးနွေးခြင်း (Telehealth Care in Diabetes)