ကျွန်ုပ်တို့ ခန္ဓာကိုယ်၏ ဇီဝဖြစ်စဉ်အများစုကို ဟော်မုန်းများဖြင့် ထိန်းချုပ်ထားသဖြင့် ဂရန်း(ဒ်)ဟံသာအင်တာနေရှင်နယ် ဆေးရုံကြီးတွင် လူနာများအတွက် အပြည့်စုံဆုံးသော ဟော်မုန်းဆိုင်ရာ ကုသမှုများကို ဆီးချိုသွေးချိုနှင့် ဟော်မုန်းရောဂါ အထူးကုသမားတော်ကြီးများ၊ ဆီးချိုအထူးပြု သူနာပြုများ၊ အာဟာရပညာရှင်များ၊ ခြေထောက်၊ခြေဖဝါး အသားမာ၊ အထူးကုပညာရှင်များ၊ ဆေးဝါးပညာရှင်များပါဝင်သည့် ကုသရေးအဖွဲ့များက ဆောင်ရွက်ပေးနေပါသည်။
ဆီးချိုသွေးချိုနှင့် ဟော်မုန်းရောဂါ အထူးကု သမားတော်ကြီးများက ဆီးချိုသွေးချို ရောဂါများ၊ သိုင်း(လ်)ရွိုက်ဟော်မုန်း ပြဿနာများ၊ အရိုးပါးအရိုးပွရောဂါများ၊ အဝလွန်ရောဂါများ၊ ဟော်မုန်းဆိုင်ရာကင်ဆာများ အစရှိသည့် ရောဂါများကို ကုသပေးလျက်ရှိပါသည်။