သင်၏ဆရာဝန်မှ ဂရန်းဒ်ဟံသာဆေးရုံတွင် တက်ရောက်ကုသရန် ကြိုတင်ညွှန်ကြားထားပါက လူနာမှတ်တမ်း စာအုပ်ငယ်တွင် ရေးသားပေးလိုက်မည် (သို့) ကျွန်ုပ်တို့ထံသို့ ဆက်သွယ်ပြောကြားထားမည် ဖြစ်သည်။ ကျွန်ုပ်တို့၏ အတွင်းလူနာလက်ခံကောင်တာ (မြေညီထပ်၊ လန်ဒန်ဆေးခန်းရှေ့) သည် ၂၄ နာရီ ရ ရက် အချိန်မရွေး ၀န်ဆောင်မှုပေးလျှက်ရှိပါသည်။ စာရင်းသွင်းခြင်းလုပ်ငန်းစဉ်များအတွက် မိနစ် ၃၀ခန့်ကြာမြင့်မည်ဖြစ်ပြီး (အခန်းရွေးချယ်ခြင်းမပါ၀င်ပါ။) ထိုအတောအတွင်း သင်၏ကျန်းမာရေးအခြေအနေအား တာဝန်ကျဆရာဝန်မှ စစ်ဆေးပေးမည်ဖြစ်ပါသည်။
ဂရန်းဒ်ဟံသာဆေးရုံအရေးပေါ်ဌာန (မြေညီထပ်)သည် အရေးပေါ်ကျန်းမာရေးစောင့်ရှောက်မှု ကျွမ်းကျင်သော ၀န်ထမ်းများဖြင့်ဖွဲ့စည်းထားသောကြောင့် သင်၏ ရုတ်တရက်၊ အရေးပေါ်ကြုံတွေ့နိုင်သည့် မျှော်လင့် မထားသောကျန်းမာရေး အခြေအနေတို့ကို ကမ္ဘာ့အဆင့်မီစက်ပစ္စည်းများဖြင့် တာဝန်ယူ ကုသပေးနိုင်သည်။လူနာရောက်ရှိလာသည်နှင့် တပြိုင်နက် စာရင်းသွင်းခြင်း၊ ရောဂါအခြေအနေစစ်ဆေး အကဲဖြတ်ခြင်းတို့ကို ဆောင်ရွက်ပြီး သတ်မှတ်ထားသောကုသရေးနေရာအလိုက် ထားရှိပေးမည်ဖြစ်ပါသည်။ ၂၄နာရီအချိန်ပြည့်ရှိသော ဆေးရုံ၏ တာဝန်ကျအထူးကုဆရာဝန်မှ ကုသမှုချက်ချင်းပေးနိုင်ခြင်း နှင့် သင်ရွေးချယ်နိုင်စရာ အထူးကုဆရာဝန်ကြီး အယောက် (၃၀၀)ကျော်သည် သင်၏လက်တစ်ကမ်းအကွာတွင် ရှိနေခြင်းတို့သည် ဂရန်းဒ်ဟံသာဆေးရုံ၏ အများနှင့်မတူသော အားသာချက်များဖြစ်သည်။