အစာလည်းဆေး ဆေးလည်းအစာ
Hippocrates

ဂရန်း(ဒ်)ဟံသာ အာဟာရအထူးကုဆေးခန်းတွင် ဓာတုနှင့် ဇီဝဖြစ်စဉ်ဆိုင်ရာဆေးပညာ သမားတော်ကြီး နှင့် အာဟာရပညာရှင်များ မှ လူနာများအတွက်ပြီးပြည့်စုံသော အာဟာရဆိုင်ရာ ကုသမှုများနှင့်အတိုင်ပင်ခံဆွေးနွေးခြင်းများကို ဆောင်ရွက်ပေးနေပါသည်။ကျွန်ုပ်တို့၏အဓိကရည်မှန်းချက်မှာလူနာတစ်ဦးချင်းစီ၏ အာဟာရကျန်းမာရေးအခြေအနေ စစ်ဆေးမှု များပြုလုပ်ပေးပြီး လူနာ၏ရောဂါအခြေအနေနှင့် လိုအပ်ချက်ပေါ်မူတည်၍ လူနာ အတွက်သင့်တော်မည့်အာဟာရဆိုင်ရာကုထုံးများရရှိရန်ဖြစ်ပါသည်။လူသားတို့အတွက် သင့်တင့်မျှတသော အာဟာရ (Healthy and Balanced Diet) ရရှိခြင်းသည် ကျန်းမာခြင်း၏ အခြေခံလိုအပ်ချက် ဖြစ်ပါသည်။ ယနေ့ခေတ်ကာလ၏ ပြောင်းလဲလာသော နေထိုင်စားသောက်မှုပုံစံအရ အဝလွန်ခြင်းနှင့် အဝလွန်ခြင်း၏ နောက်ဆက်တွဲရောဂါ ဖြစ်ပွားမှုနှုန်း တစ်နှစ်ထက်တစ်နှစ် မြင့်မားလျက် ရှိပါသည်။အဝလွန်ခြင်းကြောင့် သွေးတွင်း အဆီဓာတ်များခြင်း၊ ဆီးချိုသွေးချိုရောဂါ၊ သွေးတိုးရောဂါ၊ အသည်းအဆီဖုံးရောဂါ၊ နှလုံးသွေးကြောရောဂါနှင့် လေဖြတ်ရောဂါများ အစရှိသည့် ဇီဝကမ္မ ပြောင်းလဲမှုကြောင့် ဖြစ်ပွားသော နောက်ဆက်တွဲ ပြဿနာများ ခံစားရနိုင်ပါသည်။
ကျန်းမာရေးနှင့်ညီညွတ်စွာ နေထိုင်စားသောက်မည် ဆိုပါက အထက်ပါ ဇီဝကမ္မ ပြောင်းလဲခြင်းကြောင့် ဖြစ်ပွားသော ရောဂါများကို ကြိုတင် ကာကွယ်နိုင်မည် ဖြစ်ပါသည်။ အဆိုပါရောဂါများကို ဆေးဝါးများဖြင့် ကုသရာတွင်လည်း အာဟာရကုထုံးနှင့် တွဲဖက်ပါက ကုသမှုပိုမို အောင်မြင်နိုင်သည့် အပြင် ရောဂါ၏ နောက်ဆက်တွဲ ဆိုးကျိုးများ မဖြစ်ပွားအောင် ကာကွယ် တားဆီးနိုင်ပါသည်။ထို့ကြောင့် အာဟာရကုထုံးသည် ကောင်းမွန်သောလူနေမှုဘဝ အတွက် ယခုအခါတွင် ရွေးချယ်စရာတစ်ခု ဖြစ်လာပါသည်။တစ်နေ့တာစားသောက်သော အာဟာရသည် ကျွန်ုပ်တို့၏ ကျန်းမာရေးနှင့် တိုက်ရိုက် ဆက်စပ်နေပါသည်။ အာဟာရနှင့် ပတ်သက်သော အမူအကျင့်ဆိုင်ရာပြဿနာများ (Eating Disorders) ၊ အစာချေဖျက်မှုဖြစ်စဉ်နှင့် ဟော်မုန်းဆိုင်ရာပြဿနာများ ၊ ကိုယ်အလေးချိန်ဆိုင်ရာ ပြဿနာများ (Overweight & Underweight) ကို ကျွန်ုပ်တို့ အာဟာရနှင့် အဝလွန်ခြင်းဆိုင်ရာ ဆေးခန်းမှ တိုင်ပင်ဆွေးနွေး ကုသပေးနေပါသည်။ကျွန်ုပ်တို့အာဟာရဆေးခန်းမှအထူးကုဆရာဝန်နှင့်အာဟာရပညာရှင်များသည် လူထုပညာရေး ဟောပြောပွဲများနှင့်ပညာပေးအစီအစဉ်များ (ဆီးချို၊ အဝလွန်၊ ကင်ဆာ၊ ကိုယ်ဝန်ဆောင်အာဟာရ) ကိုလည်းစဉ်ဆက်မပြတ်ဆောင်ရွက်ပေးလျက်ရှိပါသည်။
ကိုယ်အလေးချိန်လျော့ချခြင်း
ကျန်းမာမျှတ ကိုယ်အလေးချိန်လျော့ချရေးအစီအစဉ် (Standard Weight Management Program)
အရပ်အမြင့်နှင့် ရှိင့်သော ကိုယ်အလေးချိန်ထက် ပိုနေသော သူများအတွက် ကျန်းမာရေးနှင့် ညီညွှတ်မျှတသော ကိုယ်အလေးချိန်ရှိစေနိုင်ရန် အဝလွန်အထူးကုသမားတော်၊ အာဟာရဗေဒ ပညာရှင်များနှင့် အသေးစိတ် တိုင်ပင်ဆွေးနွေးပေးခြင်း
အထူးကြပ်မတ် ကိုယ်အလေးချိန်လျှော့ထိန်းရေး အစီအစဉ် (Intensive Weight Management Program)
ကျန်းမာရေးကို ထိခိုက်နေသည့် / ထိခိုက်စေလာနိုင်သည့် ကိုယ်အလေးချိန်ပိုနေသူများနှင့် အဝလွန်သူများအတွက် အထူးအစီအစဉ်ဖြစ်ပါသည်။ အဆင့် (၃) ဆင့် ပါဝင်ပြီး အဆင့်တစ်ခုစီလျှင် (၈) ပတ်စီနှင့် စုစုပေါင်း (၂၄) ပတ်ကြာမြင့်ပါသည်။
လိုအပ်ပါက ဆေးဝါးများဖြင့်လည်း ကိုယ်အလေးချိန်ကုသလျော့ချပေးပါသည်။ အနှစ်နှစ်ဆယ်ကျော်ခန့် လုပ်ဆောင်ခဲ့သော သုတေသနများအပေါ်အခြေခံထားသည့်အတွက် အကျိုးရှိ စိတ်ချယုံကြည်ရသော အစီအစဉ် တစ်ခု ဖြစ်သည်။
ဖွင့်ချိန်
တနင်္လာ - သောကြာ နံနက် ၈ နာရီ မှ ည ၈ နာရီ
တည်နေရာ နှင့် ဆက်သွယ်ရန်
ဂရန်း(ဒ်)ဟံသာဆေးရုံ၊ London Clinic (အခန်းနံပါတ် ၁၅)
၀၁- ၂၃၁ ၇၆၀၀၊ ၀၁- ၇၅၂၃ ၀၀၀
ဆရာဝန်များ
Nutrition