သင်၏ မျက်လုံးမှာ သင့်ခန္ဓာကိုယ်၏ အရေးကြီးဆုံးနှင့် အနုးညံ့ဆုံး အစိတ်အပိုင်းဖြစ်သည့်အတွက် တန်ဖိုးထားဂရုစိုက်ရန် လိုအပ်ပါသည်။ အမြင်အာရုံ ရှင်းလင်းပြတ်သားရန်နှင့် အမြင်အာရုံထိခိုက်စေနိုင်သော ရောဂါများမှ ကာကွယ်ရန် ပုံမှန်မျက်စိကျန်းမာရေး စစ်ဆေးမှု၊ စောင့်ရှောက်မှုများမှာလည်း အရေးကြီးသည်။ ဂရန်း(ဒ်)ဟံသာ အင်တာနေရှင်နယ်ဆေးရုံကြီးတွင် သင်၏ မျက်စိကျန်းမာရေးအတွက် ဟံသာမျက်စိအထူးကုစင်တာနှင့် မျက်မှန်အရောင်းပြခန်း ဖွင့်လှစ်ထားရှိလျက်ရှိပါသည်။ ဟံသာမျက်စိအထူးကုစင်တာမှာ နိုင်ငံတကာအဆင့်မီ မျက်စိအထူးကုစင်တာဖြစ်ရန် အစဉ်ကြိုးစားလျက် ရှိပြီး အရည်အချင်းပြည့်ဝပြီး အတွေ့အကြုံရှိသော မျက်စိခွဲစိတ်အထူးကုသမားတော်ကြီးများမှ ခေတ်မီစက်ကိရိယာသစ်ကြီးများအသုံးပြု၍ နောက်ဆုံးပေါ် နည်းပညာများဖြင့် မျက်စိကျန်းမာရေး စောင့်ရှောက်မှုများပေးလျက်ရှိသည်။ သန့်ရှင်းသပ်ရပ်ပြီး ကျယ်ဝန်းသော လူနာစမ်းသပ်ခန်းများ၊ လူနာနားနေခန်းများ စီစဉ်ထားရှိသောကြောင့် လုံခြုံစိတ်ချပြီး သက်တောင့်သက်သာ ကုသမှုခံယူနိုင်ခြင်းမှာလည်း ဟံသာမျက်စိအထူးကုစင်တာ၏ အားသာချက်တစ်ခုဖြစ်သည်။ ဟံသာမျက်စိစင်တာသည် မျက်စိနှင့်ပတ်သက်၍ မျက်မှန်ပါဝါ စမ်းသပ်စစ်ဆေးမှုများ၊ မျက်စိအထွေထွေ ရောဂါရှာဖွေခြင်းများ၊ တိုင်ပင်ဆွေးနွေးကုသမှုများနှင့် ခွဲစိတ်ကုသမှုများကို နိုင်ငံတကာစံညွှန်းများနှင့်အညီ တစ်နေရာတည်းတွင် ကုသနိုင်ရန် အတွက် အကောင်းမွန်ဆုံးဝန်ဆောင်မှုများပေးလျက်ရှိသော စင်တာတစ်ခုဖြစ်ပါသည်။
