ဂရန်း(ဒ်)ဟံသာဆေးရုံကြီးရဲ့ အောင်မြင်မှု မှတ်တိုင်တစ်ခု

ဂရန်း(ဒ်)ဟံသာ နှင့် ဗီယက်နမ်နိုင်ငံမှ ဆရာကြီး Dr. Do Nguyen Tinနှင့် လက်တွဲပြီး မွေးရာပါ နှလုံးအပေါက်ပါ လူနာများကို အကြီးစားနှလုံးခွဲစိတ်မှု လုပ်စရာမလိုပဲ Device လေးနဲ့ နှလုံးအပေါက်ပိတ်ခြင်း ကုသမှုကို အောင်မြင်စွာ ကုသပေးခဲ့တာ အခုဆို လူနာပေါင်း 146ယောက်ထိ ရောက်ရှိခဲ့ပြီး ဖြစ်ပါတယ်။

• ဆရာကြီးရဲ့ ပညာဖြင့် အောင်မြင်စွာ ကုသနိုင်မှု
• မြန်မာပြည်မှ ကလေးနှလုံးအထူးကုသမားတော်ကြီး Prof Khin Maung Oo တို့ရဲ့ လက်တွဲညီစွာ ကူညီ ဆောင်ရွက်ပေးမှု
• ခုလို ကုသမှုများကို Cath lab မှာ အဆင်ပြေပြေ ဆောင်ရွက်နိုင်ဖို့ အစစအရာရာ ပြင်ဆင်ဆောင်ရွက်ပေးတဲ့ ဂရန်း(ဒ်)ဟံသာ Cath Lab Team
• ဆရာကြီးရဲ့ OPD လူနာများကို OPD လာပြချိန်မှ စ၍ ခွဲဖို့ ပြင်ဆင်ချိန်၊ ဆေးရုံတက်ချိန်ထိ ကူညီဆောင်ရွက်ပေးကြတဲ့ Hawaii Clinic Operation Team
• လူနာများ ဆေးရုံတက်စဥ် တစ်လျှောက် စောင့်ရှောက်ပေးတဲ့ IPDတို့ အားလုံးရဲ့ ပင်ပင်ပန်းပန်း ကြိုးပမ်းခဲ့သမျှ အရာထင်သော မှတ်တိုင်လေး တစ်ခုဖြစ်တာမို့ မှတ်တမ်းတင် ဂုဏ်ပြုလိုက်ပါရစေ။

ဆရာကြီးရဲ့ ပညာကို ယုံကြည်လို့ အနယ်နယ် အရပ်ရပ်မှ ဂရန်း(ဒ်)ဟံသာထိ ယုံကြည်စွာ လာရောက်ပြသ၊ ကုသမှုခံယူကြတဲ့ လူကြီးမင်းများအားလုံးကိုလည်း ဂရန်း(ဒ်)ဟံသာ ဆေးရုံ မိသားစုမှ ကျေးဇူးအထူးတင်ရှိပါတယ်။