သင်သာ ဆီးချိုရောဂါရှိတဲ့ သူတစ်ယောက် မှန်ရင် ဒါတွေ စစ်ကို စစ်ဖူးရမယ်နော်။

မိမိခန္ဓာကိုယ် အလေးချိန် ပုံမှန် ရှိမရှိ၊ အဝလွန်ကဲခြင်း ရှိမရှိ အသားကျစ်နှုန်း (BMI)တိုင်းထွာခြင်း
ခန္ဓာကိုယ်မှာ အဆီဓာတ်တွေများနေရင် သွေးကြောတွေ တဖြည်းဖြည်းကျဥ်းလာပြီး လေဖြတ်တာ၊ နှလုံးသွေးကြောကျဥ်းတာ၊ ပိတ်တာ ဖြစ်နိုင်တဲ့ အတွက်ကြောင့် သွေးတွင်းအဆီဓာတ် များမများ စစ်ဆေးခြင်း (Lipid Profile )
ဆီးချိုရဲ့ နောက်ဆက်တွဲကြောင့် ကျောက်ကပ်ထိခိုက်ခြင်း ရှိမရှိ၊ ကျောက်ကပ် အလုပ်လုပ်နိုင်စွမ်း ကောင်းမကောင်း သိရှိနိုင်ဖို့ စစ်ဆေးခြင်း (Urea,Creatinine or eGFR, Elecrolyte )
ဆီးချိုရှိသူတွေက ရောဂါ လက္ခဏာမပြတဲ့ နှလုံးသွေးကြောကျဉ်းတာ၊ ပိတ်တာတွေ ဖြစ်တတ်တာမို့ နှလုံးဓာတ်မှန်( Echo) အီးစီဂျီ (ECG) စစ်ဆေးခြင်း
မျက်လုံးရှိ အမြင်အာရုံသွေးကြောလေးတွေဟာ ဆီးချိုကြောင့် ကျဉ်းတာ၊ ပိတ်တာ ဖြစ်ပြီး အမြင်အာရုံ ထိခိုက်တတ်တာဖြစ်လို့ မျက်လုံး အမြင်လွှာ ဓာတ်ပုံရိုက်ခြင်း (Retinal Photography )
ဆီးချိုထိန်းအားကောင်းမကောင်း စစ်ဆေးခြင်း ( HbA1c )
ဆီးချိုထိန်းအား မကောင်းတော့ရင် အဖြစ်အများဆုံး နောက်ဆက်တွဲရောဂါဟာ ဆီးချိုခြေထောက် ပါပဲ။ မတော်တဆ ထိခိုက်ဒါဏ်ရာလေးကနေ အနာမကျက် ကာ သွေးကြောများ မကောင်းတော့ပဲ မဲပုပ်ပြီး ခြေထောက်ဖြတ်ရတဲ့ထိဖြစ်တတ်တာပါ။
ဒါ့ကြောင့် - ခြေထောက်စစ်ဆေးခြင်း (Foot Assessment)
ခြေထောက်အာရုံကြောများ တုံခါမှု၊ ထိတွေ့မှုတို့ကို သိမသိ စစ်ဆေးခြင်း (Vibration Monofilament Test)
ခြေထောက် သွေးကြောတွေ ကျဉ်းမကျဉ်း ဖိအား တိုင်းတာခြင်း (Ankle-Brachial Index )
ခြေဖဝါး ဖိအားများနေရင် အသားမာတက်တာ၊ အသားမာကွဲပြီး အနာဖြစ်တာ၊ အသားပုပ်တာတွေ ဖြစ်တတ်လို့ ထိုနေရာကို ရှာဖွေ စမ်းသပ်ခြင်း (Foot Scan)
ဆီးချိုရှိသူများဟာ သွား နှင့် သွားဖုံးရောဂါ၊ သွားပိုးစား၊ သွားဖုံးသွေးယို စတာတွေ အဖြစ်များလေ့ရှိတာမို့ သွားကျန်းမာရေး စစ်ဆေးခြင်း ( Dental Screening )
ဆီးချို ကုသတဲ့နေရာမှာ စားသောက်နေထိုင်မှုပုံစံ ပြောင်းလဲဖို့က အရေးအပါဆုံး ဖြစ်တာဖြစ်လို့ အာဟာရဆရာဝန်များနှင့် ဆွေးနွေးခြင်း (Nutritionist Counseling)
မိမိတစ်သက်တာမှာ မှီဝဲသွားရမယ့် ဆီးချို သောက်ဆေး၊ ထိုးဆေးများကို နည်းစနစ် မှန်ကန်စွာ သုံးတတ် စွဲတတ်ရန် ဆီးချို နှင့် ဟော်မုန်းရောဂါဆိုင်ရာ အထူးကု ဆရာဝန်ကြီးများ နှင့် ပြသဆွေးနွေးခြင်း ( Endocrinologist Counseling)

Grand Hantha Website - www.grandhantha.com

Green. Grand. Care for The People
Grand Hantha International Hospital
နာနတ်တောလမ်း နှင့် ကြည့်မြင့်တိုင် ကမ်းနားလမ်းထောင့်၊ ကမာရွတ်မြို့နယ်၊ ရန်ကုန်မြို့။
01 231 7617, 01 523 000, 01 523 111